Ditën e premte Presidenti i Shqipërisë, Bajram Begaj, së bashku me presidentin e Estonisë, Alar Karis, morën pjesë në një provë ushtrimore mbi aftësitë e qeverisë për të reaguar kundrejt sulmeve kibernetike.
“Jeta jonë e përditshme varet nga qëndrueshmëria e hapësirës digjitale. Duke u praktikuar mbi reagimet ndaj sulmeve kibernetike në një mjedis të stimuluar krize është një mënyrë e mirë për të zgjeruar sigurinë kibernetike të strukturës dhe shërbimeve tona”, tha Merle Maigre, drejtuese e projektit nga akademia “Estonian e-Governance Academy”.
Ky trajnim u organizua nga akademia “Estonian e-Governance Academy” dhe kompania estoneze e sigurisë kibernetike “Cybexer Technologies”, mbi sigurinë dhe fleksibilitetin kibernetik në Ballkanin Perëndimor në kuadër të një projekti të financuar nga BE.
Aktiviteti u dha pjesmarrësve përvojë praktike mbi mbrojtjen e sistemeve të IT-së në rast të sulmeve kibernetike.
“Duhen përpjekje të përbashkëta për të forcuar qëndrueshmërinë e hapësirës kibernetike të partnerëve të Ballkanit perëndimor, dhe për të rritur ndërgjegjësimin e autoriteteve publike të rajonit mbi sigurinë kibernetike”, tha ambasadorja e Delegacionit Europian në Shqipëri, Christiane Hohmann.
Edhe përfaqësuesit e autoriteteve shqiptare pranuan rëndësinë e trajnimeve të tilla, sidomos pas episodeve të sulmeve kibernetike që Shqipëria ka hasur në vitet e fundit.
“Eksperienca të tilla na japin mundësi unike të parashikojmë skanarë të kudërsulmeve kibernetike”, u shpreh Igli Tafa, Drejtor i Përgjithshëm i Autoritetit Kombëtar të Çertifikimit Elektronik dhe Sigurisë Kibernetike në Shqipëri.