Zgjedhje 2023, rezultatet Bashkia Korçë dhe anëtarët e Këshillit Bashkiak (Infografik)

Kryetari i Bashkisë së Korçës Sotiraq Filo do të ketë një mandat të tretë në krye të bashkisë pasi fitoi zgjedhjet me gati 61% të votave përballë kandidates së koalicionit Bashkë Fitojmë Ledina Alolli, e cila mori vetëm 40%. Filo fitoi zgjedhjet me gati 21 mijë vota, duke ruajtur pak a shumë të njëjtin rezultat që socialistët patën marrë në vitin 2021 në këtë bashki, ndërkohë që opozita mori më pak se 14 mijë vota, ose mbi 7 mijë vota më pak nga sa kishin marrë sëbashku më 2021, Partia Demokratike dhe Lëvizja Socialiste për Integrim. Për rrjedhojë, me pjesëmarrje prej vetëm 33%, Filo u zgjodh me rezultat shumë të thellë.

Në zgjedhjet për këshilllin bashkiak, PS fitoi 23 mandate ndërsa Bashkë Fitojmë mori 9 mandate. Partia Agrare Ambientaliste dhe Partia Demokratike morën nga dy mandate secla ndërsa Partia Repiblikane, Partia Socialdemokrate, Partia Aleanca Arbnore Kombëtare dhe Nisma Thurrje morën nga 1 mandat. Lazjon Petri u zgjodh si anëtar i pavarur i këshillit që ka 41 vende.

Kjo është lista e anëtarëve të Këshillit Bashkiak për periudhën 2023-2027.